Fjala e ministrit të Mbrojtjes me rastin e 60 - vjetorit të krijimit të AFA

I nderuar shef i Shtabit të Përgjithshëm të FA, gjeneral Kollçaku,

të nderuar gjeneralë,
të nderuar anëtarë të Komisionit të Sigurisë,
të nderuar, atashe të vendeve aleate
të nderuar rektorë dhe drejtues të universiteteve dhe institucioneve të tjera shkencore, ish - komandantë, pedagogë e ish - pedagogë, studentë e ish - studentë të kësaj akademie,
të dashur pjesëmarrës,

është një kënaqësi e veçantë për mua të marr pjesë në këtë ceremoni jubilare dhe me këtë rast t’ju uroj gëzuar Ditën e Krijimit të Akademisë së Forcave të Armatosura.

Krijimi, më 10 maj të vitit 1958, i Akademisë së Forcave të Armatosura është një nga ngjarjet më të rëndësishme në historinë e arsimit të lartë ushtarak, të kulturës dhe të shkencës ushtarake.

Në 60 vite të ekzistencës së saj, Akademia e Forcave të Armatosura përfaqëson një institucion unik të arsimit të lartë në fushën e Mbrojtjes dhe Sigurisë. Ajo ka qenë dhe mbetet mbartëse dhe reflektuese e moralit, vlerave dhe frymës atdhetare e patriotike të vendit tonë, zëdhënëse e traditave të pasura të Forcave të Armatosura, qendër e rëndësishme e mendimit shkencor, kulturës dhe historisë ushtarake, me profil të spikatur në tërë sistemin e institucioneve të arsimit të lartë publik të vendit tonë.

Pavarësisht ndryshimeve të Akademisë ndër vite, duke e abstraktuar rrugën e saj nga kufizimet e kohrave, Akademia asnjëherë nuk ka ndryshuar misionin e saj në funksion të arsimimit dhe kualifikimit të brezave të tërë ushtarakësh për t’i shërbyer në çdo kohë dhe situatë atdheut.

Në përshtatje me sfidat e kohës, ky institucion ka përgatitur ushtarakë, profesionalisht të aftë, krahasuar edhe me homologët e tyre në akademitë perëndimore.

Ndaj sot, dëshiroj të përshëndes të gjithë brezat e studentëve, të pedagogëve, punonjësve dhe drejtuesve që kanë studiuar dhe shërbyer në këtë akademi, për kontributin e veçantë në arsimimin, përgatitjen dhe formimin e mijëra oficerëve për të gjitha nivelet e drejtimit të Forcave të Armatosura.

Falënderoj gjithashtu studentët që studiojnë aktualisht në Akademi në të gjitha programet e studimit si dhe stafin akademik e drejtues, për punën e dhe përkushtimin e tyre. Përshëndetje të veçantë për studentët më të rinj kandidatë për oficerë dhe studentët nga Kosova.

Falënderoj gjithashtu vendet aleate për ndihmën e pakursyer që i kanë dhënë ushtrisë shqiptare dhe akademisë për reformimin dhe zhvillimin e saj, për kontributin me lektore dhe veprimtari të përbashkëta dhe për arsimimin dhe kualifikimin e oficerëve shqiptarë.

Të nderuar pjesëmarrës,

Akademia e Forcave të Armatosura po bën një punë të mirë dhe përpjekje në kombinimin e përvojës së akumuluar ndër vite me risitë e arsimit ushtarak perëndimor në ditët e sotme, në përmirësimin e standardeve dhe cilësisë, aplikimin e metodave bashkëkohore të mësimdhënies e të kërkimit shkencor. Spikat sigurimi i akreditimit institucional, si institucion i arsimit të lartë dhe, përfundimi me sukses i Kursit të Lartë të Sigurisë dhe Mbrojtjes, një forum tashmë i konsoliduar me pjesëmarrës nga vendet e rajonit dhe Aleancës, ku diskutohen dhe shkëmbehen përvojat mbi çështjet e interesit të përbashkët të sigurisë dhe mbrojtjes.

Unë e mirëpres dhe e mbështes fort përvojën e re të nisur nga Komanda e Doktrinës dhe Stërvitjes dhe Akademia për të bërë pjesë të leksioneve, në auditorët e saj, të komandantëve të forcave dhe drejtuesve të strukturave të Forcave të Armatosura apo strukturave të tjera të sigurisë në vend.

Nuk ka vend më të mirë se Akademia për diskutimin dhe shkëmbimin e teorive të reja të mendimit doktrinar ushtarak dhe praktikave të reja të edukimit, trajnimit dhe stërvitjes së strukturave të Forcave të Armatosura.

Akademia e Forcave të Armatosura do të vazhdojë të jetë prioritet i Ministrisë së Mbrojtjes dhe Shtabit të Përgjithshëm të Forcave të Armatosura.

Në kushtet zhvillimeve të reja të mjedisit të sigurisë në rajon e më gjerë, Akademia e Forcave të Armatosura do të vazhdojë të ketë për mision përgatitjen, arsimimin e kualifikimin e specialistëve të lartë e të aftë të personelit ushtarak e civil për të gjitha nivelet e drejtimit të Forcave të Armatosura për fushën e mbrojtjes dhe sigurisë.

Vëmendja duhet të përqendrohet tek përgatitja e oficerëve të rinj, duke filluar nga modeli që do të zgjedhim, model i cili të jetë i integruar me arsimin e lartë kombëtar por edhe me ato të vendeve të NATO-s.

Akademia do të hartojë dhe realizojë programe arsimimi dhe kualifikimi në të tre ciklet e studimit në fushën e Mbrojtjes dhe Sigurisë.

Do të ofrojë kualifikim të vazhduar për personelin akademik në fushat që mbulon.

Do të përgatisë, do të kryejë studime dhe do të japë ekspertizë për problemet teorike e praktike të fushave të Mbrojtjes dhe Sigurisë në interes të Forcave të Armatosura dhe institucioneve që kanë lidhje me sigurinë dhe mbrojtjen, në përputhje me standardet e NATO.

Në kushtet kur qeveria shqiptare i ka ngarkuar Ministrisë së Mbrojtjes dhe Forcave të Armatosura menaxhimin e Emergjencave Civile, si dhe të iniciativës së kryeministrit për të promovuar në detyrat e prefektëve dhe në institucionet e tjera të sigurisë në vend të oficerëve në rezervë, detyra e Akademisë është të përgjigjet edhe me ndryshimet përkatëse në kurrikulat e saj me qëllim të arsimojë e kualifikojë në fushën e Sigurisë specialistë të lartë të personelit të institucioneve të tjera të sigurisë në vend.

Për të gjitha këto prioritete, Komanda e Doktrinës dhe Stërvitjes dhe Akademia e Forcave të Armatosura do të kenë mbështetjen e vazhdueshme të Ministrisë së Mbrojtjes, timen personalisht, si dhe Shtabit të Përgjithshëm, në përpunimin e një vizioni të ri të zhvillimit të institucionit në përputhje me zhvillimet në të ardhmen të Forcave të Armatosura dhe të shoqërisë, në ndryshimet e nevojshme strukturore e programore si dhe në promovimin e një stafi akademik të aftë për të përballuar këto ndryshime.

Kam bindjen dhe besimin se ky institucion i ka të gjitha mundësitë të konturojë një vizion të ri që reflekton elementët më cilësorë të filozofisë së re të arsimit ushtarak bashkëkohor, që duhet t’i paraprijë zhvillimit dhe transformimit të mëtejshëm të Forcave të Armatosura.

Ju faleminderit!

Submit to FacebookSubmit to Google PlusSubmit to TwitterSubmit to LinkedIn


Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Buletini mujor tetor 2018Ditari, të rejat kryesore tetor 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 11 (2018) Nëntor 2018Numri i fundit i revistës "Mbrojtja"...
Gazeta Ushtria 16 nëntor 2018Numri i fundit i të përjavshmes gazeta "Ushtria"...






Arkivi Lajmeve
Nëntor 2018
Ma En Pr Sh Di
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2